வேதனை

வற்றிய மடியில்
பால் குடிக்க காத்திருக்கும்
கன்றுக்கு இல்லாமல்
பீச்சப்பட்டது பால்...
வேதனையோடு கத்தியது பசு..!

-'பரிவை' சே.குமார்.

மயிலிறகு

புத்தகத்துக்குள் பொத்தி வைத்த
மயிலிறகு குட்டிபோட்டதோ
இல்லையோ - உன்
கைபட்டு வந்ததால்
என்னை கட்டிப்போட்டது.!

-'பரிவை' சே.குமார்.

ராசி

பன்றி மீது மோதிய வண்டி
ராசியில்லை என்று
விற்று விட்டாய்...
ஓட்டிய உன்னை...?

-'பரிவை' சே.குமார்.

நாணம்

திடீர் மழை..!
நனைந்த குமரியோ
நாணத்தோடு..!
பார்க்கும் விழிகளோ
நாணமின்றி..!

-'பரியன் வயல்' சே.குமார்

பறிக்காதீர்கள்

இது கிறுக்கல்களில் 100வது கவிதை...

ஆறு மாத காலத்தில் நான் கு வலைப்பூவில் 200க்கு மேல் எழுதியிருந்தாலும் ஒரே வலையில் 100 ஹைக்கூ என்பது எனக்கு நிச்சயமாக சாதாரண விசயமல்ல... இதற்கு நான் எனக்கு தொடர்ந்து பின்னூட்டமிட்டும் வாக்களித்தும் உற்சாகம் அளித்துவரும் நட்புக்கு நன்றி சொல்லிக் கொள்கிறேன்.

பூக்களைப் பறிக்காதீர்கள்
உடைந்த போர்டுக்கு கீழே
உயிருள்ள ரோஜா
பறிக்கப்பட்ட் போது
கண்ணீர் விட்டது காம்பு..!

-'பரியன் வயல்' சே.குமார்.

மறக்குமா..?

கண் எதிரே
கணவனுடன் நீ..!
ரணப்பட்ட இடத்தில்
ரகசிய மாநாடு...
மறக்குமா இதயம்..?

-'பரியன் வயல்' சே.குமார்.