பிரிவு

ஆடுவெட்டிப் பூஜை
அமர்க்களமாய்...
வீட்டில் தாயை
தேடி அலையும் குட்டி..!

-சே.குமார்

தாலாட்டு..!

தாலாட்டு..!
சந்தோஷ தூக்கம்
குழந்தைக்கு...
பழைய நினைவுகளை
திரும்பிப் பார்த்த
சோகத்தில் தாய்..!

-சே.குமார்

பயணம்

மணிக்கணக்கில்
பேசினாலும் மனதிற்குள்..
இறங்கும் இடம்
தேடும் பயணம்..!

கொலுசொலி..!

தெருவில் நீ போவதை
என் காதில் வந்து
சொல்லிச் சென்றது
கொலுசொலி..!

-சே.குமார்

எதிர் எதிரே...

சாமி ஊர்வலமும்
சவ ஊர்வலமும்
எதிர் எதிரே...
சிரித்துக் கொண்டன
பூக்கள்..!

பசி

ஊர்வலமாய் அம்மன்
எரியப்பட்டது காசு..!
வயிற்றுப்பசியுடன்
வயோதிகர்..!

-சே.குமார்

காணவில்லை

நேற்று முதல் காற்றைக்
காணவில்லை..!
வீழ்ந்து கிடந்தது
வெட்டப்பட்ட மரம்..!

-சே.குமார்

பயன்

வீட்டிற்கு ஒரு
மரம் வளர்ப்போம்...
நாங்களும் வளர்க்கிறோம்...
இதுவரை பயன் தராத
இரண்டு மகன்களை..!

-சே.குமார்

கல்லறைகள்

எதிர்ப்பின்றி
பேசி சிரித்தோம்...
எதிர் எதிரே
நம் கல்லறைகள்..!

-சே.குமார்

உனக்காக...

உனக்குப் பிடிக்கும்
என்பதால் வழியெங்கும்
ரோஜா - எனது
இறுதி ஊர்வலம்..!

தள்ளுபடி

ஆடித் தள்ளுபடி..!
அவசரமாக
வாங்கப்பட்டது
வட்டியில்லாக் கடன்..!

-சே.குமார்

சுதந்திரம்

சுதந்திரம் வேண்டி
மாட்டின் மேல்
ஊர்வலம்..!
எங்கே போனது
சுதந்திரம்..?

-சே.குமார்

கடைசி பயணம்

மண்ணிற்குள் உடல்...
அழும் உறவுகள்..!
காசுக்காக காத்திருக்கும்
வெட்டியான்..!

-சே.குமார்

காதல்

ஓடி வந்து பேருந்தில்
ஏறினாய் நீ..!
பயத்தில் நகம்
கடித்தேன் நான்..!
மனசுக்குள்
தெய்வங்கள்..!

-சே.குமார்

நிலாப் பெண்

நிலாப் பெண்ணே நீ...
வளர்ந்து தேய்ந்தாலும்
தேய்ந்து வளர்ந்தாலும்
மூன்றாம் பிறையில்
அழகிய குழந்தை..!
பெளர்ணமியிலோ
உலக அழகி..!

(கிறுக்கல்களில் இது 50வது ஹைக்கூ. வலைத்தளத்தில் இது 78வது படைப்பு. இந்த நேரத்தில் என்னை எழுத்தாளனாக்கி சந்தோஷப்பட்ட எனது கல்வித் தந்தையும் பேராசிரியருமான திரு. மு.பழனி இராகுலதாசன் அவர்களுக்கும் எனது எழுத்துக்களை படித்து என்னை ஊக்கப்படுத்திய உள்ளம் இன்று சில காரணங்களால் விரிசல் விட்டிருந்தாலும் என்றும் எனக்குள் இருக்கும் நண்பர் பேராசிரியர் கரு.முருகன் அவர்களுக்கும் இக்கவிதையை காணிக்கையாக்குகிறேன். - சே.குமார்)

ஞாபகமாய்..!

ஞாபக மறதியாய்
நீ விட்டுச் சென்ற
பேனா...
ஞாபகமாய்
என் பாக்கெட்டில்..!

-சே.குமார்

சங்கமம்

உனக்கும் எனக்குமான
சந்திப்பில் சங்கமிப்பது
என்னவோ கண்கள்தான்
இருந்தும் படபடக்குது
மனசு..!

-சே.குமார்

கனம்

உன் அழைப்புக்காக
காத்திருக்கும்
நேரங்களிலெல்லாம்
என் மனசு போல
கனத்துக் கிடந்தது
கையிலிருக்கும்
செல்போன்..!

-சே.குமார்

பயணம்

மனதிற்குள் பயமிருந்தாலும்
சுகமாய்த்தான் இருந்தது
துப்பட்டாவால் முகம்
மறைத்து உன்னுடன்
நிகழ்ந்த பயணம்..!

-சே.குமார்

நொடி..!

நீ மணி முள்ளாக
இருந்தால் நான்
நொடி முள்ளாகவே
இருக்க ஆசைப்படுகிறேன்...
அப்பொழுதுதானே
நிமிடத்திற்கு ஒருமுறை
உன்னைச் சந்திக்கமுடியும்..!

-சே.குமார்

மௌனம்

நீ மௌனத்தால்
கொல்லாதே...
எனக்கு மௌனத்தை
கொல்வது எப்படி
என்று தெரியாது பெண்ணே...!

திரும்பாமல்...

நீ திரும்பிச் சிரிக்கும்
ஒற்றைச் சிரிப்புக்காக
திரும்பாமல் தவித்தது
மனசு..!

-சே.குமார்

தடை

சிறுநீர் கழிக்க
தடையாக
சுவரெங்கும்
சாமி படங்கள்..!

-சே.குமார்

புன்னகை

உன் புன்னகையால்
நொறுங்கியது
என் இதயமல்ல...
இன்பம்..!

-சே.குமார்

பட்டிமன்றம்

நீ சூடியதால்
பூ அழகா..?
பூச் சூடியதால்
நீ அழகா..?
என்னுள்ளே
பட்டிமன்றம்..!

-சே.குமார்

குளியல்

அருவித் தண்ணியோ..!
குளத்துத் தண்ணியோ..!
சுகம் என்னவோ...
உன் கைபட்ட
குழாய் தண்ணீர்
குளியலில்தான்..!

-சே.குமார்

விளை நிலம்

விளைநிலங்களில்
அங்கொன்றும்...
இங்கொன்றுமாய்...
முளைத்தன...
வீடுகள்..!

-சே.குமார்

பூ..!

மலரும்போதே
மனசுக்குள்...
சாமிக்கா..?
சாவுக்கா..?

(சில வருடங்களுக்கு முன் பாக்யா இதழில் வெளியான படத்திற்கு எழுதப்பட்டு தேர்வான மூன்று ஹைக்கூ கவிதைகளில் இதுவும் ஒன்று. நன்றி பாக்யா)

-சே. குமார்

விவாகரத்து

ஒத்துப்போகாத
மனங்களின்
ஒருமித்த முடிவு...!

-சே.குமார்

அலை

ஆர்ப்பரிக்கும் அலை...
குதூகலமாய் சிறுமி..!
குடும்ப சண்டைக்குள்
நிம்மதி இழந்த பெற்றோர்..!

-சே.குமார்

ஜாமீன்

நிபந்தனை ஜாமீன்...
நெல்லுக்காக
கூண்டைவிட்டு
வெளியே வந்தது
கிளி..!

-சே.குமார்

திருமணம்

கோலாகலமாய்
திருமணம்..!
சமையல் மேஸ்திரி
மனதில் சங்கடம்...
முதிர்கன்னியாய் மகள்..!

-சே.குமார்

ஊர்வலம்

மாட்டின்மேல்
ஊர்வலமாய்...
மனித மாடுகள்..!

-சே.குமார்

அழைக்காமலே

ஆயிரம் முறை அழைத்தும்
வராத காகம்...
அழைக்காமலே வந்தது...
அப்பாவுக்கு திவசம்..!

-சே.குமார்

துணை

துணைக்கு வருவாயா
தூறலே...
வெயிலில் என்னவள்..!

-சே.குமார்

அப்பா

அப்பா கொடுத்த
காசு பத்திரமாய்...
காசு கொடுத்த அப்பா..?

-சே.குமார்

பாகுபாடு

மரணத்திலும் உன்னோடு...
ஜாதி காட்டிப் பிரித்த
சமூகம் சடலங்களிலும்
பாகுபாடு பார்ப்பதேன்..?

-சே.குமார்

மழை

மழையோடு விளையாட்டு...
நாளை காய்ச்சல் வரலாம்..!
மழை மீண்டும் வருமா..?

-சே.குமார்

வேஷங்கள்

தேடும் தெய்வங்கள்
தெருவினில்...
வயிற்றுப்பிழைப்புக்காக
வேஷங்கள்..!

-சே.குமார்

மரியாதை

மாலை மரியாதை...
மல்லுக்கு நிற்கிறது
சாமி முன் சமூகம்..!

-சே.குமார்

(கிறுக்கிய சில நாட்களில் இது 25-வது படைப்பு...)

விதவை

கூடை நிறைய ரோஜா...
சுமந்துவரும் பெண்ணிற்கோ
பொட்டிழந்த நெற்றி..!

-சே.குமார்

மனசு

மழைக்கு ஒதுங்கினோம்
நிழற்குடையில்...
ஏனோ விலகமறுத்தது
மனசு..!

-சே.குமார்

கடிதம்

எப்போதோ நீ
கொடுத்த ஒற்றைவரி
கடிதம் என்னுள் பத்திரமாய்..!
பதில் அனுப்பாமலே..!

-சே.குமார்

டம்ளர்

நீ நீரருந்திய
டம்ளரை நான்
யாரையும் பயன்படுத்த
விடுவதில்லை...
என்னைத் தவிர..!

-சே.குமார்

களங்கம்

நிலவுக்கும் கடலுக்கும்
சண்டையோ..?
தன்னுள் மிதக்கும்
நிலவை களங்கப்படுத்தியது
அலை..!

-சே.குமார்

பூ

நீ பூத்தது அறியாமல்
உன் வீட்டு வாசலில்
பூக்களோடு நான்..!

-சே.குமார்

இழந்த அமைதி

எந்த ஒரு
முடிவுக்குப் பின்னும்
அமைதி ஏற்படுவதுண்டு...
அப்படி இருக்க
நம் காதல்
முறிவுக்குப்பின்
அமைதி இழந்தது
ஏன் பெண்ணே..?

-சே.குமார்

இருட்டு

சாமி ஊர்வலம்...
விளக்கு ஏந்தி வந்தவன்
வெளியில் நிறுத்தப்பட்டான்...
தாழ்ந்த சாதியாம்...!
வெளிச்சத்தில் வந்த
சாமியும் இருட்டுக்குள்...!

-சே.குமார்

மனசுக்குள்

கோவில் வாசலில் நீ..!
அழைக்க நினைத்தபோது
கால்களை கட்டிக்கொண்டது
குழந்தை..!

-சே.குமார்

பூஜை

சாமிக்கு பூஜை
விதவிதமாய் மலர்கள்...
வாசலில் பூத்த்துக்கிடந்தது
அரளி..!

-சே.குமார்

பரியன் வயல்

கர்வம்

கோபுரங்களில் குடியிருப்பு
கர்வப்பட்டது
புறா..!

-சே.குமார்

பரியன் வயல்

முகச்சுருக்கம்

அழகாய் தெரிந்தது
அனுபவத்தின் ஆழம்...
முகச்சுருக்கம்..!

-சே.குமார்

பரியன் வயல்

ஆபத்து

அருவிக் குளியல்
ஆபத்தானது...
தலைகீழாக குதித்த
நீர்க்காகம் தண்ணீரோடு...!

-சே.குமார்

பரியன் வயல்

வாத்துக் கூட்டம்

வற்றிய வயலில்
வாத்துக் கூட்டம்...
மணலில் விளையாடும்
குழந்தைகள்..!

-சே.குமார்

பரியன் வயல்

மனசுக்குள்...

உன்னைக்கண்டதும் என்னுள்ளே
ஏதோ ஒரு மாற்றம்...
மறுதலித்தேன் மனசுக்குள்...
அக்காவின் காதலால்
அவமானப்பட்ட பெற்றோர்..!

-சே.குமார்
பரியன்வயல்.

நிழற்குடை

மந்திரியின் வரவுக்காக
காத்திருக்கும் நிழற்குடை...
வெயிலில் மக்கள்..!

-சே.குமார்
 பரியன்வயல்.

சிறை

அடிமைச் சிறை
அவதிப்பட்டது...
கூண்டுக்கிளி..
 

-சே.குமார்

பரியன்வயல்

ஊனமான நொடி

உனக்காக காத்திருந்த
பொழுதுகளில்
ஊனமானது நொடிமுள்..!
 

-சே.குமார்

பரியன்வயல்

ஆபத்து

அழகு ஆபத்து...
சிறகிழந்தது
வண்ணத்துப் பூச்சி..! 
 

-சே.குமார்

பரியன்வயல்

ஆலமரமாய்...

மறக்க முயன்றும்
மறக்க முடியவில்லை...
மனசுக்குள் ஆலமரமாய்...
முதல் காதல்..!
 
 

-சே.குமார்

பரியன்வயல்

காதல் 'தீ'

ஊருக்குள் நாம்
உரசிக்கொள்வது கூட
இல்லை - எப்படியோ
பற்றிக்கொண்டது நம்
காதல் 'தீ'...!

-சே.குமார்

பரியன்வயல்

ஊனம்

ஊனம்-
பேருந்தில் அருகில்
நின்ற பாட்டிக்கு
இடம் தர மறுத்தது
மனசு..!

-சே.குமார்
பரியன்வயல்

காதல் நாட்கள்

காதலே நீ...

பேசிச் சென்ற

நாட்களைவிட...

பேசாமல் கொன்ற

நாட்களே அதிகம்...!

 
 

சே.குமார்

பரியன் வயல்

இதய இம்சை