ஆக்ரோஷம்

வீழ்ந்து எழுந்தாலும்
வீறாப்பு குறையாமல்
ஆக்ரோஷமாய்...
சண்டை சேவல்..!

ஏங்கும் மனசு..!

எப்போது வருவாய்?
தொலைந்த உன்
நினைவுகளைத்
தொலைக்காமல்
ஏங்கிக் கிடக்கிறது மனசு..!

பயண நட்பு

நீண்ட பெருமூச்சுடன்
நின்றது புகைவண்டி..!
சிநேகமாய் சிரித்து
இறங்கியபோது
தண்டவாளமானது
பயண நட்பு..!

(வலையுலக நட்புக்கு எனது 'தொடரும்பொழுதுகள்'  (http://skvishal09.blogspot.com/2009/12/blog-post_18.html) என்ற கவிதை சங்கமம் உரையாடல் கவிதைப் போட்டிலும்

எனது சிறுகதையான "பார்வைகள்" அன்புடன் ராட் மாதவ்  (http://simpleblabla.blogspot.com/2009/12/blog-post.html ) வலைப்பூ நடத்தும் சிறுகதை போட்டியிலும் களத்தில் இருக்கின்றன. தாங்கள் படித்துப் பிடித்தால் ஓட்டும் பின்னூட்டமும் மறக்காமல் இடுங்கள் - நட்புடன் சே.குமார்)

இருட்டு

அமாவாசை இருட்டு...
பாண்டி கோவில் வாசல்
பல்லாங்குழி ஆடும் மனசு..!

காதல் பரிசு

காதல் பரிசாய் நீ
கொடுத்த தாஜ்மகாலைப்
பார்த்து சிரிக்கிறது
இடுப்பில் இருக்கும்
என் குழந்தை..!

-சே.குமார்.

அனாதை

அம்மாவின் மடியில்
சுகமான உறக்கம்...
பக்கத்துப் பையனின்
அழுகையால்
கலைந்தது கனவு..!
அனாதை இல்லம்..!

-சே.குமார்.

குடைக்குள்...

மழையில் நனைந்தால்
உனக்கு ஜலதோஷம்
பிடிக்கும் என்பதால்
குடைக்குள் நான்..!

-சே.குமார்

சிலை

சிலை முன்னே
நீயும்... நானும்...
காதலை சொல்ல
முடியாமல் சிலைகளாய்..!

-சே.குமார்

கவலை

கற்பு பற்றிய
கவலையோடு பூக்கள்..!
ஊர்வலமாய் வண்டுகள்..!

காதலிக்காக...

புற்களே...
பூக்களைத் தூவுங்கள்
செருப்பில்லாமல்
என் காதலி..!